有玩過高级音响HiFi 嘅朋友都知道, 實際聽出來的音響效果, 70% 是由聽音環境決定的。簡單點說, 聽音環境越细小, 越容易, 越便宜, 就能製造高級音響的效果。按比例計算,
人類的外耳道應該是一個最小的聽音空間, 由外耳到耳膜就一吋距離。所以數百元的入耳耳機, 只需要零件, 做工, 計算準確的話, 能做出頂級的音響效果一點也不出奇。按這比例計算, 要同樣做出頂級的音響效果, 掛耳式耳機應該需要千多至數千元, 車廂音響需要數千至數萬元, 小房間需要數萬至十萬, 家裏大廳需要十萬至數十萬, 音響展的大 Hall 就需要數十至過百萬了。純粹以個人享受音樂為主的話, 理論上數百元的入耳式耳機, 已經可可能做出過百萬元的音響效果! 想想也覺得超值! 難怪這麼多人甘願沉迷, 拒絕自拔! XD
照以上的推算, 過千元的入耳式耳機, 應該可以產生接近百萬家中音響的水平了?!
計數還計數, 外耳道這小小空間, 要製造頂級音響大空間的神級聽感, 還是受到物理定律的局限, 複製不出這麼誇張的效果。不過HK$1000多的入耳耳機, 用心製作的話, 已可列入是絕世高手了! 這個月, 我手裏拿著兩個絕世高手, IKKO OH1, FiiO FH3, 深深體會到千多元製造接近最高水平的音響效果已經不是天方夜譚, 真是有點感動熱淚盈眶!
IKKO OH1, FiiO FH3, 一個葉孤城, 一個西門吹雪, 行家一出手就知係高手。極静背景, 高訊噪比, 立體結像, 上下左右闊音場, 華麗音色, 頂級分析力, 加上前衞有型外形, 仲有乜嘢要求? 有! 想睇表演! 睇下邊個先至係紫禁之巔嘅絕世高手! YEAH! 有球賽就要有球證, 找來配了4N Litz 銀線的KZ AS16 分析力之王做球證 — 開波!
先此聲明: 兩大高手武功高強, 沒有缺點, 以下比拼只是吹毛求疵, 娛樂娛樂為主。
兩個高手音色華麗, 一開始先聽古典音樂。FH3 承接上一代耳機, 繼續成為氣勢之王!
沉穩夠厚的低頻, 快上快落, 厚潤中頻, 聽大編制的交響樂, 聽到情緒高漲, 跟住Celebidache支指揮棒, 指Berlioz Symphony, 不期然全身在動! OH1 表現其實非常不錯, 音色絲般柔滑, 只是直接比較下氣勢輸了一丁點。AS16 繼續以無敵顯微鏡分析力力壓兩大高手, 起碼聽多10% 細節, 尤其是無情高音爆上, 暫時獨步天下, 不過間唔中有啲吵耳, 喜不喜歡就見仁見智。FH3 & OH1 音色更靚, 享受指數更高。拿出兵器來: 兩者都為了提升聽感, 稍為修飾了樂器高音, 細節有少量流失。鋼琴大家都不相上下, FH3 微微地厚了一點, 小提琴OH1 就稍嫌過分修飾。球證AS16以分析力殺敗兩大高手!
戰場一轉 — 女毒人聲(女高音)。OH1 今次完勝! 絲般柔滑音色, 聽女聲發揮到極致! Tracy Dahl 已經夠甜, 估唔到加上OH1, 可以甜到入心入肺, 滴出蜜糖, 全身毛管棟! 如果你唔諗住買, 就唔好聽喇, 一聽難忘, 唔買唔得… FH3 人聲温暖厚潤, 屬於舒服擁抱型, 一流享受,
不過直接比較之下被特色險勝! AS16 繼續顯微鏡, 個齒音逐個呼吸逐個咬字赤裸裸顯現, 開住大光燈除衫睇 — 又是喜不喜歡就見仁見智。
女毒人聲爵士樂: OH1 突出的柔滑音色, 把每個女歌手都變得更女性化, 更動人, 會自然想像個個女歌星全部都係靚女! 低頻有彈力, 屬於中高水平。FH3 氣氛濃, 低音更濃, 朦朧的濃, 聽男聲尚且可以, 女聲就不夠OH1 嬌俏, 沒有扯你衫袖的感覺, 不過更有Jazz Bar 現場氣氛。OH1 出奇制勝, 險勝女毒一招。FH3 更適合拿著威士忌酒杯沉醉在Jazz 的氣氛。AS16就好似開了燈的爵士音樂廳, 太清楚了。
FH3 跳舞節奏非常強勁, Pop 一流! K-Pop 女聲成分較重, OH1 更為誘惑。聽不同類型Pop嘅你, 應該知道邊個先至最啱你。
葉孤城 vs 西門吹雪 — 無情過招, 紫禁之巔, 最開心就係睇表演嘅觀眾!
By Ah Lung
Our Head-Fi 