當我手中拿著 iSine 10, 不其然Star War 上身：實在太似黑武士戰機！ 型成甘，戴住週圍去，麻甩都變型男！！粒磁石幾強，兩邊耳機放近會自然貼在一起。
作為一個大鄉里，第一次玩Audeze, 見到有如人體器官嘅出聲管，仲要微微向上甘堅挺，即刻肅然起敬 !
我處理D 大大條嘅野，都有D 經驗 Haha — 第一時間，緊係揾個大D 嘅膠笠包住佢啦！點知條野大到無膠啱用，點算？細心睇下，咦？吾通係插入面，不是套出面？Oh Yes! 甘大碌，原來配最細嘅膠套。人體器官更加活現眼前。。。
作為一個男人，想像一下，這條野要插晒入去我個窿，仲要兩條一齊插，OMG
言歸正傳。煲開需時30小時以上，其間聽住高，中，低順序打開，都係一個奇妙體驗。
聲音開了，第一印象 — 好闊！音場好自然甘兩邊鋪開，神技，好野！iSine 10 是個全人聲取向的耳機，不論聽什麼，只要有人聲，即時搶去焦點！點解？一個字："清真"! 氾濫市場的耳機，其實都係識條鐵(動鐵) 同圈套(動圈) 為主，聽慣咗以為這聲音就是正路，iSine 10 話比大家知，更清析，更像真嘅聲應該係甘！個個唱歌嘅，個嘴就在你雙眼中間嘅位置郁下郁下，wow, 如果你未聽過，真係要聽下。只此一家。
講下Tech: 高頻非常大膽，吾搞rolloff ,直上！越上越powerful! 單元不是鐵，真係吾刺耳喎，不過只限人聲。中頻段幾乎完美，清，甜，潤，亮，麗，爽，快，準全齊！只此一家！喪聽所有有人聲的歌，全部有新體驗！唯一鋼琴有D過亮，有點轟耳。不過吾使幾分鍾，已經吾理，人聲太好聽，無心機聽其他野。低頻潛不盡，斯文有彈力型，剛好cover double bass 音段，吾聽打心口打死人大鼓就 ok。低頻質量取勝，與Blon 兩隻耳機拍住上，雙冠軍播出最好聽的 Stella Starlight Trio 嘅 Tainted Love! 毛管戙篤企！
iSine 10, 頂好耳機一款，與華麗古典皇Xelanto, 終極分析王KZ A16, 平分春色，成為無敵人聲王！(以我雙耳為準，如有不滿，請吾好打面). 好難得有耳機食得起呢三個字：高"清", 極像"真", 音色"只" 此一家！ “清" “真" “只"
聽歌投入得滯，出現小意外 — 隨手拿下耳機，一邊掛耳勾"啪"一聲就斷了，對不起借出的好兄弟！抱歉！
By Ah Lung
(Photo adopted from Reference Audio with courtesy)
Our Head-Fi 